မြန်မာနိုင်ငံထဲက သမိုင်းတွင်တဲ့ နာမည်များ

လူမျိုးတိုင်းလူတစ်ယောက်မွေးလာတာနဲ့ အဲဒီလူကို နာမည်ပေး ကင်ပွန်းတပ် လေ့ရှိကြပါတယ်။ လူ တစ်ယောက်မှာ သည်လို မိဘဆွေမျိုး အသိုင်းအ၀ိုင်းက ပေးတဲ့နာမည်ရယ်၊ သူ့ရဲ့ ထင်ရှားတဲ့ အချက်အလက်တစ်ခု (ဥပမာ။ အရပ်အမောင်း ကိုယ်လုံးကိုယ်ထည်၊ လုပ်ရပ်၊ ဖြစ်ရပ်) တို့ကို ထင်ဟပ်တဲ့ နာမည်ပြောင် စသဖြင့် နာမည်များ ရှိနိုင်ကြပါတယ်။ ကိုယ့်ဟာကိုယ် မှည့်ခေါ်တဲ့ နာမည်၊ သူတပါးက ကိုယ်ကို ကြိုက်သည်ဖြစ်စေ၊ မကြိုက်သည် ဖြစ်စေ မှည့်ခေါ်တဲ့ နာမည်များလည်း ရှိပါတယ်။

မြန်မာ့သမိုင်းမှာ နရသီဟပတေ့မင်းဟာ ကိုယ့်ကိုယ်ကို နာမည်ပေး ဘွဲ့ပေးတဲ့ နေရာမှာ လက်ဖျားခါရ လောက်တယ်လို့ သမိုင်းသုတေသီ တို့က စာရင်း ပြုစုချက်အရ သိရပါတယ်။ ဒါပေမယ့် သူ့ရဲ့ ဘွဲ့ နာမည် အရှည်ကြီးကို အလွတ်ရတဲ့သူ ဘယ်နှစ်ဦး ရှိပါသလဲ။ ယနေ့ခေတ် လူများကတော့ သူ့ရုပ်ရည်ကို အစွဲပြုပြီးခေါ်တဲ့ မင်းခွေးချေးရယ်၊ တရုတ်ပြေးမင်းရယ် လို့သာ မှတ်မိကြပါတယ်။ ရုပ်ရည်နဲ့ လုပ်ရည် ကိုင်ရည်ကြောင့် ဖြစ်တဲ့ ဖြစ်ရပ်ကို အစွဲပြုပြီး သမိုင်းတွင်တဲ့နာမည်ပါ။ ပထမ မြန်မာနိုင်ငံတော်ရဲ့ ကြီးကျယ် မြင့်မားမှုကို အဆုံးသတ် ပေးလိုက်တဲ့ ဘုရင်တစ်ပါးလဲ ဖြစ် တယ်လို့ သမိုင်းတင် ခဲ့ပါ တယ်။

အင်းဝခေတ်ရဲ့နောက်ဆုံးမင်းဖြစ်တဲ့ ---(ဘွဲ့ရှေ့ပိုင်းကိုမမှတ်မိ) မဟာဓမ ရာဇာဓိပတိဟာ အင်းဝခေတ် ပျက်ပြီး ဟံသာဝတီကို ဖမ်းဆီးခေါ်ဆောင် ခံရတဲ့အတွက် ပြည်သူများက ဟံသာဝတီပါမင်း လို့သာခေါ်ကြလို့ အဲဒီနာမည်သာ သမိုင်းတွင် ခဲ့ပါတယ်။

ဒုတိယမြန်မာနိုင်ငံတော်ကြီးကိုတည်ထောင်ခဲ့တဲ့ ဘုရင့်နောင်မင်းတရားကြီးရဲ့ ငယ်နာမည်ရှင်ရဲထွတ် နဲ့ သူ့ရဲ့ ဘုရင်ဘွဲ့တော်ရှည်ကြီးကို ခုခေတ်လူတွေအလွတ်မရ၊ မသိ၊ မမှတ်မိကြပါဘူး။ ဒါပေမယ့် တပင်ရွှေထီးဘုရင်ရဲ့ နောင်တော်ဖြစ်လို့ ဘုရင့်နောင် ဆိုတဲ့နာမည်ရယ်၊ လိုလိုချင်ချင်ခေါ်ကြရတဲ့ မင်းတရားကြီးရယ် (မတရားမင်းကြီးမဟုတ်ပါ)၊ သည်လို တရားမျှတတဲ့သူ့လုပ်ရပ်တွေကြောင့် ဖြစ်တဲ့ နာမည်က ဘုန်းတော်ဘွဲ့တွေ၊ ငယ်နာမည်တွေကိုကျော်လွှားပြီး သတင်းကြီး သမိုင်းဝင်ခဲ့ပါတယ်။

တတိယမြန်မာနိုင်ငံတော်ကြီးကို တည်ထောင်ခဲ့တဲ့ အလောင်း မင်းတရားကြီး ဦးအောင်ဇေယျ မှာလည်း သည်အတိုင်း ဖြစ်ပါတယ်။ နန်းတက် ဘိသိက်ပွဲမှာ ရတဲ့ သူ့နာမည်ကို ဘယ်သူမှ မခေါ်ကြဘဲ မုဆိုးဖိုရွာ သူကြီးဘ၀က နာမည်ကိုပဲ လူတွေကခေါ်ကြတာပါ။ ဘုရားဆုကို ပန်ဆင်ခဲ့လို့ ဘုရား အလောင်းတော် ဘုရင်မင်းကြီး အဖြစ် အလောင်းမင်း တရားကြီးရယ်လို့ နာမည်တွင်ပါတယ်။ သူ့ရဲ့ဘုရင် နာမည်ကို မှတ်မိသူ ရှိပါသလား။ သူ့သားတော် မောင်ဝိုင်း ဗဒုံမြို့စားဘ၀မှ မင်းဖြစ်လာသူမှာ ကုန်းဘောင်ခေတ် သမိုင်းတွင် အကျယ်ဆုံး နိုင်ငံတော်ကို ပိုင်ဆိုင်သူ ဖြစ်ပါလျက် သူ့ခမျာ မြစ်တော် စကြာကိုယ်တော် လေးကိုမှီပြီး ဘိုးတော်ဘုရား၊ ဘိုးတော်ဦးဝိုင်း ဟုသာ ထင်ရှားရ ရှာပါသည်။ သူဧ။် ကုန်းဘောင်ခေတ် တွင်အရှည်လျားဆုံး ဘွဲ့နာမည်ကို မည်သူ မှတ်မိပါ သနည်း။ ပြည်သူပေးသော နာမည်သာ ပိုင်ဆိုင်ရ ချေသည်။ သို့သော် သူ့ခေတ်တွင် မြန်မာပြည်သည် အာရှတွင် ဘုန်းအကြီးဆုံး၊ အင်အား အတောင့် တင်းဆုံး ဆိုသည်ကိုတော့ လူတိုင်းသိကြ ပါချေသည်။

အနောက်ဖက်လွန်မင်း၊ သာလွန်မင်းတို့မှာလည်း ထို့အတူ။ နန်းတော် အနောက်ဖက်တွင် လုပ်ကြံခံရ သောကြောင့် နတ်ရွာစံလွန်ရလို့ အနောက်ဖက်လွန်မင်း၊ တိုင်းကားပြည်ရွာ လွန်စွာသာလွန် အေးချမ်း အောင် အုပ်ချုပ်သောမင်းဖြစ်လို့ သာလွန်မင်း စသည်ဖြင့် ပြည်သူကပေးသော နာမည်သာ သမိုင်းတွင် ကျန်ရစ်ခဲ့သည်။ သူတို့ဘာသာ ပေးသောနာမည် များကား သာမန်ပြည်သူများ ကြားပင် မကြားဖူးကြချေ။

ထိုထိုသော နာမည်ကြီးသော ထင်ရှားသောမင်းတို့တွင် မင်းကောင်း မင်းမြတ်များ ဖြစ်ပါလျက် ပဒေသရာဇ် ခေတ်တွင်ပင် သူတို့ကိုယ် သူတို့ပေးသော နာမည်ဖြင့် သူတို့သမိုင်းကို မဖုံးလွှမ်းနိုင်။ သူတို့ဧ။် လုပ်ရပ်၊ ဖြစ်ရပ်တို့နှင့် သက်ဆိုင် သော ပြည်သူပေးသော နာမည်သာ သမိုင်းတွင် ကျန်ရစ်သည်ကို သံဝေဂယူ ဖွယ်တွေ့ရပါသည်။

ထို့အတူ ယနေ့ခေတ် တွင်လည်း လူတော်တော် များများသည် ပတ်ဝန်းကျင်က ပေးသော နာမည်ဖြင့်သာ လူသိများ ထင်ရှားနေကြလေသည်။ လောရှည်၊ လန်ဘား၊ ပုတို၊ ခွေးငို၊ ခါချဉ် စသဖြင့် ခေတ်အလိုက် စုံလင်စွာ ခေါ်ဝေါ် သမုတ်ကြဧ။်။ ပတ်ဝန်းကျင်က ကိုယ်နှင့် လိုက်ဖက်ရာကို ကင်ပွန်းတပ်သမျှ ခံကြရဧ။်။ သူများကို နာမည်ပြောင် လိုက်ပေးနေသူ ကိုယ်တိုင် သူ့ကို ပတ်ဝန်းကျင်က နာမည်ပြန် ပေးလိုက်သည်ကို မသိလိုက်ဘဲ နာမည် အတော်ကြီးကို ကြီးနေ ပြန့်နေပြီးခါမှ သိလိုက်ရသူ လည်းရှိလေသည်။

ထို့ကြောင့် မိမိဧ။် မိဘဆွေမျိုး၊ ဘုန်းကြီးများက ပေးပြီး မိမိကိုယ် မိမိမှည့်ခေါ်သော နာမည်သည် အရေး မကြီး၊ မိမိဧ။် ပြောဆို လုပ်ကိုင်ပုံ၊ ပုံပန်းသဏ္ဍာန်နဲ့ ဖြစ်ရပ်များက ပတ်ဝန်းကျင်ကို ထင်ဟပ်ပြီး မိမိကိုယ် ကိုသာ ပတ်ဝန်းကျင်က သမိုင်းဝင် နာမည်ပေး ကင်ပွန်းတပ် သွားမည် ဖြစ်သောကြောင့် ကိုယ့်လုပ်ရပ် ကိုသာ သတိထားလျှင်ဖြင့် သမိုင်းဝင် သွားနိုင်သည့် ကိုယ့်နာမည်ကို ပတ်ဝန်းကျင်မှာ ပြန်မေးစရာ မလို၊ အသာ နားထောင်ရုံနှင့် သိနိုင်ကြောင်း ၊ သမိုင်းကောင်းနဲ့ သမိုင်းဆိုးကိုလည်း ပတ်ဝန်းကျင်မှ ပြည်သူလူထုသာ ဆုံးဖြတ်မှာ ဖြစ်ကြောင်း တင်ပြလိုက် ရပါသည်ခင်ဗျား။