ယနေ့ခေတ်ရဲ့ အမှန်တရားများ

သမိုင်းထဲကငါတို့ အချိန်တွေထဲမှာ ဆန့်ကျင်ဘက် ဖြစ်လာနေတာ တွေကတော့ ... အဆောက်အဦးတွေ မြင့်လာသလောက် စိတ်ရှည်မှုတွေ တိုတောင်းလာတာ၊ အဝေးပြေး လမ်းမကြီးတွေ မြင်ကွင်းကျယ် လာသလောက်၊ လူတွေကြည့်တတ်ကြတဲ့ ရှုထောင့်တွေ၊ အမြင်တွေ ကျဉ်းလာတာ၊ ပိုသုံးသလောက် နည်းပါးစွာ ရလာတာ၊ ပိုဝယ်သလောက် အကြိုက်နည်း လာတာ တွေပါ။ပိုင်ဆိုင်မှုတွေအဆတိုး လာသလောက် တန်ဖိုးတွေက လျော့ကျလာခဲ့တယ်။ အများကြီး ပြောခဲ့ပေမယ့် တကယ်ချစ်ခဲ လာတယ်။ ပြီးတော့ မကြာခဏ မုန်းလိုက်သေးတယ်။ ဘ၀မှာ ဘယ်လိုရုန်းကန် ရှင်သန်မလဲ ဆိုတာကို သင်ယူနေကြပြီး ဘ၀ကိုဘယ်လို နေထိုင်မလဲ ဆိုတာကို မသင်ကြဘူး။ အချိန်ကာလ နှစ်တွေကို အသက်ထဲ ပေါင်းထည့်နေပြီး အသက်တွေကို အချိန်ကာလတွေထဲ ပေါင်းမထည့်ကြဘူးလပေါ်ကို သွားချည်ပြန်ချည် လုပ်ခဲ့ပြီးပေမယ့် လမ်းကို ဖြတ်ကူးပြီး အိမ်နီးချင်းကို တွေ့ဆုံဖို့ကို ခက်ခဲ နေခဲ့ကြတယ်။ ကိုယ့်ကိုယ်ရဲ့ အပြင်ဘက်ကို အာကာသ အပြင်ဘက်ထိ ရောက်အောင် စူးစမ်းကျူးကျော် နယ်ချဲ့သလောက် ကိုယ့်ကိုယ်ရဲ့ အတွင်းစိတ်ကိုတော့ နည်းနည်းမှ ပြန်မသုံးသပ် ကြဘူး။

လေထုကိုသန့်စင်နေကြသလောက် ကိုယ့်စိတ်ရင်းခံ လေးကို ညစ်ညမ်း စေခဲ့ကြတယ်။ အက်တမ်တွေကို ခွဲထုတ်နေကြ သလောက် ကိုယ့်ရဲ့ သဘောထား အမြင်တွေကို ဆုံးဖြတ်ရာမှာ ရှုထောင့်စုံကနေ မှန်မှန် ကန်ကန် ခွဲခြားဝေဖန် သုံးသပ်မှု မရှိကြဘူး

ဝင်ငွေတွေမြင့်မားလာသလောက် ရိုးသားမှု ဆိုင်ရာ ကိုယ်ကျင့်တရားတွေ နိမ့်ပါးလာ ခဲ့ကြတယ်။ အရေအ တွက်တွေ အပေါ် ပြင်းပြင်းပြပြ ဆန္ဒရှိနေ ခဲ့သလောက် အရည်အသွေး တွေကို မေ့လျော့လာ နေကြတယ်။ အရပ်ရှည်ဖို့ ကြိုးစားလာ သလောက် ကိုယ်ကျင့်သိက္ခာ တရားတွေ တိုဝင်လာ နေကြတယ်။ အမြတ်အစွန်း နက်နဲမှုကို ဂရုစိုက် သလောက် ယုံကြည်စွာ ဆက်ဆံနိုင်တဲ့ ရင်းနှီးကျွမ်းဝင်မှုတွေ တိမ်ကောလာ နေကြတယ်။

လက်ရှိကာလဟာ ကမ္ဘာ့ငြိမ်းချမ်းရေးလို့ ကြွေးကြော်ရင်း ပြည်တွင်းစစ်တွေ ဖြစ်ပွားနေတဲ့ ကာလ။ အားလပ်ချိန် များသလောက် ပျော်ရွှင်ချိန် နည်းလာတဲ့ ကာလ။ စားစရာမျိုးစုံ ပေါများစွာ ပေါ်ပေါက် လာသလောက် အဟာရ နည်းတဲ့ကာလ။ သည်နေ့တွေဟာ ၀င်ငွေနှစ်ခုနဲ့ အိမ်ထောင်ကွဲတွေ များနေတဲ့နေ့။ ပိုနေချင်ဖွယ် ကောင်းလာတဲ့ အိမ်တွေနဲ့ ပြိုကွဲမှုပိုပြီး များလာတဲ့ အိမ်ထောင်စု တွေရဲ့နေ့။

သည်နေ့တွေဟာ ခင်းကျင်းပြသ ထားတာ များသလောက် ကုန်သိုလှောင်ရုံ ထဲမှာ ဘာမှမရှိတဲ့ အဖြစ်အပျက် တွေရဲ့နေ့။ နည်းပညာဟာ စာရှုသူတွေထံကို သည်စာကို သယ်ဆောင် လာတဲ့နေ့။ စာရှုသူ တွေကလည်း ရွေးချယ်ခွင့် ၂ခုရ သွားတဲ့နေ့။ အထက်ပါအတိုင်း ဆက်လက် ကျင့်ကြံ သွားမလား..

ဒါမှမဟုတ် ဆန့်ကျင်ရာ ပိုကောင်းတဲ့ နည်းလမ်းကို ရှာကြံစဉ်းစား အကောင်အထည် ဖော်မလား...

ကမ္ဘာကြီးကတော့ ရင်ခုန်စွာ စောင့်ကြည့်နေလေရဲ့ ။